هذي قصيده في مدح اهل القصيم

قالت قصيمي قلت فخر ومعزة ****** أهل الكرم والعلم والحلم iiوالبــاس

قالت قصيمي قصدها بي تهزا ****** ماتدري اني بفتخر وارفع iiالــراس

الحــمـــدلـلـه روسـنـا دوم رزة ****** اللي خــلقنا بس نحــني له iiالــراس

صافي نسبنا والحسب فيه عزة ***** أصلٍ أصيل وفصل والعرق iiدساس

أهل الوفاء والدين صافي منزه ****** عن كل ماشاب العقيده من iiأدلاس

حنا العقيلات انشدي رجال غزه ****** حنــــــــا هل الدنيا وللدين iiحراس

حنا سنايد نجد في كل حـــــزه ******لا خانت حلــــوق الرجاجيل iiالأنفاس

حنـــــــا اجبال يعجز الريح هزه ****** حنا لنجد حزام وعصابة iiالــــــراس

نـــــــارد حياض المرجلات ونلزه ****** مانمشي دروب الــرذيله iiوالأدناس

من يغلط لسانه علينا نجـــــــــزه ****** واللي يحقر قدر الرجاجيل iiينداس

منا العدو تكفيه بالعين خــــــزه ****** يقضي عليه الخوف مع كل iiهوجاس

من ذكرنا في قلبه تثور نــــــزه****** من طـــــاري القصمان يبلاه وسواس

نومه كـــــــوابيس وروعه وفزه ****** دقت نواقيس الخطر له iiوالأجـــراس

وان هو لقي له من علينا يـــــوزه ****** هون له الصعبات وابليس iiخنـــاس

مـــايدري انه للمهالك يـــــــــدزه ****** عجل علي مبناه يمحي من الساس

يــــــــــــابنت حنا من نخانا نعزه ****** يأمن بنا الملهوف وتهابنا iiالنـــاس

مرســــــــــــولنا للخير دايم نكزه ****** ولصرخة المحتاج نرخي الأكيــــاس

تــــــــــاريخنا مجد لبسناه بزه ****** نمشي بوسط السوق ماندحم السـاس

لك مـــاتركنا بكاس الأمجاد مزه ****** واجد عليك ومثلك حثالةالكـــــــاس

وش جــــاب حر الطير لفريخ وزه ****** منهو يساوي جوهر الماس بنحـــاس

لاتحسبين انك لنــــــــــا مستفزه****** ((وش ياخذ الباعوض من ريش قرناس))

فعلا صح لسانك ...



القصييييييييييييييييييييييييييم وبس

قالت قصيمي قلت فخر ومعزة........الخ

روعـ............................ـة ومشكورة

يااااااااااسلام القصيده مررررررررره روووووووعه

وتصدقين إني أقرى القصيده وانا ألحن وارقص

آآآآآآآآآآه بس لا يفوتكم صوتي

صح لساااااااااااااااانك <<<<<<<<<< أقصد صحت أصابعك


قصيدة روعة